Спасовски со сочувство за загинатите во трагичната хеликоптерска несреќа кај Киев

Министерот за внатрешни работи Оливер Спасовски изрази сочувство до украинскиот народ по трагичната хеликоптерска несреќа во близина на Киев, при што загинаа неколку високи украински функционери.

-Во име на Министерството за внатрешни работи изразувам најдлабоко сочувство до граѓаните на Украина, семејството, колегите и пријателите на мојот украински колега, министерот за внатрешни работи, Денис Монастирски, кој заедно со раководството на министерството го загуби животот во трагична хеликоптерска несреќа во близина на Киев, објави Спасовски на својот профил на Твитер.