Дел од потрошувачите на улицата „Христо Смирненски“ во Скопје во петок, 20 ноември, ќе имаат прекин во водоснабдувањето поради планирани активности на водоводната мрежа.
Според известувањето на ЈП „Водовод и канализација – Скопје“, предвидено е изведување водоводен приклучок со пречник од 100 милиметри на адресата „Христо Смирненски“ број 17. Со прекинот ќе бидат опфатени корисниците на делот од улицата меѓу маркетот „Зур“ и булеварот „Партизански одреди“.
Прекинот е најавен од 9 часот наутро, а снабдувањето ќе биде воспоставено по завршувањето на работните активности. За граѓаните од опфатениот дел се препорачува навремено обезбедување вода за неопходните домашни потреби.


