Недостатокот на различни витамини предизвикува различни реакции во телото, а честопати не сме ни свесни за тоа.
Витаминот Б е клучен за здрава функција на мозокот и одржување на имунолошкиот систем.
Недостатокот на витамин Б дава одредени симптоми, кои можат да се појават во форма на интензивен замор или намалена визуелна способност.
Заморот е еден од првите знаци на недостаток на витамин Б, кој влијае на производството на црвени крвни зрнца, кои носат кислород до вашите органи. Без доволно кислород во вашите клетки, се чувствувате уморни без разлика колку долго спиете.
Недостаток на витамини
Ако не добивате доволно кислород од црвените крвни зрнца, вашите мускули ќе бидат многу слаби и нема да имате доволно сила дури и за некои стандардни дневни активности, како на пример носење обично тешка торба од супермаркет.
Дали брзо заборавате?
Ова најверојатно не е манифестација на рана деменција, туку за тоа е виновно ниското ниво на витамин Б. Кога тестот на крвта ќе открие недостаток на витамин Б, со соодветниот додаток во исхраната, симптомите почнуваат да исчезнуваат.
Дали се чувствувате како сите да ве нервираат повеќе од кога било?
Недостатокот на витамини од групата Б влијае на вашето расположение, што често доведува до депресија или анксиозност. Ова често е поврзано со фактот дека витаминот Б е вклучен во синтезата на важни соединенија во мозокот, како што се серотонин и допамин, кои помагаат во регулирањето на расположението.
