Пробајте ја солената верзија на познатиот десерт.
Состојки:
1 кг компири
2 јајца
1 лажичка сол
3 лажици брашно
1 кромид
200 гр мелено месо
50 гр сланина
Подготовка:
Излупете ги компирите, исечете ги и сварете половина од нив. Сировиот компир изрендајте го на тенко ренде, а истото направете го и со сварениот компир кога малку ќе се излади. Измешајте ги сварените и сировите рендани компири, зачинете ги со сол и бибер, а потоа измешајте ги со брашното и јајцата.
Оставете ја смесата да отстои половина час. Во меѓувреме на загреано масло пропржете го месото со ситно сечканиот кромид и зачинете.
Од смесата направете кнедли и во секоја ставете малку пржено месо. Гответе ги во солена вода околу 25 минути. Послужете ги и по желба посипете ги со пржени парчиња сланина или валкајте ги во презла.
фото Pixabay
НАЈЧИТАНО НА ИНТЕРНЕТ...
