За слава, најмногу внимание секогаш се посветува на мезето. Домаќинките таму ја покажуваат целата своја креативност и секоја година се трудат да се надминат себеси.
Годинава пробајте солени топчиња со сирење и од една смеса ќе имате два вида, во зависност од тоа во што ќе ги виткате.
Состојки:
- 200 грама сирење
- три тврдо варени јајца
- 150 грама шунка
- 50 грама ореви
- едно чешне лук
- две до три лажици мајонез
Подготовка:
Изрендајте го сирењето. Варените јајца одвојте ги на белки и жолчки. Во сад со рендано сирење додадете рендани белки, издробениот лук и мајонезот. Добро измешајте, пишува Магазин Новости.
Формирајте топчиња така што внатре ќе ставите парче орев. Изрендајте ги жолчката и шунката, па половина од топчињата расукајте ги во едната, а половина во другата смеса.
НАЈЧИТАНО НА ИНТЕРНЕТ...
