Премиерот Ковачевски ќе се обрати на настан по повод новата инвестиција на турската компанија „Текнопанел“

Премиерот Димитар Ковачевски денес во 11:00 часот, ќе се обрати на настан по повод новата инвестиција на турската високотехнолошката компанија „Текнопанел“, која ќе инвестира 20 милиони евра во изградба на нов производствен капацитет во ТИРЗ 1 Скопје.

На настанот обраќања и презентација за инвестицијата ќе имаат претставниците на раководството на „Текнопанел“, како и директорот на ТИРЗ Јован Депотовски, по што ќе следи официјално потпишување на договорите за новата инвестиција на компанијата.