18. октомври 2025
Centar.mk – Вести, бизнис, забава, спорт…
МАКЕДОНИЈАИЗБОР

Колева: Платите на наставниците за пет години ги зголемивме за 36 отсто

Со исплатата на септемвриската плата, вработените во основното и средното образование ќе добиваат за 15 отсто повисоки месечни примања, истакна на денешната прес-конференција, Даниела Колева, пратеничка на СДСМ.

„Од вкупно 32.500 вработени во основното и средното образование кои добиваат повисоки плати, 25.000 се наставници, а покачувањето изнесува просечно по 3.000 денари. Со последното зголемување, СДСМ за само пет години ги покачи платите за 36 отсто, што е повеќе од една третина.

Тоа е далеку поголемо зголемување на платите, од времето на владеењето на ВМРО-ДПМНЕ кога за период од 11 години, платите во основното и средното образование биле зголемени само за четири проценти“, дополни Колева.

Покрај платите, според неа, СДСМ инвестира и во унапредување на условите за работа на наставниот кадар.

Досега, како што рече реконструирани или изградени нови се 80 објекти на основни и средни училишта низ целата држава.

„Истовремено, Владата предводена од СДСМ донесе одлука објектите на основните и средните училишта да се префрлат на регулираниот пазар на електрична енергија што значи помали сметки за струја и непречено одвивање на наставата со физичко присуство низ целата грејна сезона. Ова е пример за вистинска грижа за образовниот процес, вистинска грижа за наставниците и учениците“, рече пратеничката од СДСМ.

Можеби ќе ве интересира

Сите гласови од немоќните, болните и затворениците се запечатени во посебни коверти и гласачка кутија, истата се отпечатува дури во недела во 19 часот кога ќе бидат затворени гласачките места низ Републиката

ДЕСК

Утре се слави Светиот апостол Тома

ДЕСК

Закани кон членови на Избирачки одбори и вработени од кандидат за градоначалник – обвинува политичка партија

ДЕСК