На вонредна прес конференција координаторот на Пратеничката група на СДСМ, Јован Митрески, рече дека иницијативата на Мицкоски за референдум е спротивна на македонскиот устав и треба да се отфрли.
„Уставот како највисок правен акт е јасен: Во член 118, јасно предвидува дека Меѓународните договори што се ратификувани се дел од внатрешниот правен поредок и не може да се менуваат со Закон.
Договорот за добрососедство е меѓународен договор и согласно Уставот неговото правно дејство не може да се менува.
Очигледно е дека Мицкоски намерно ја има смислено и поднесено оваа иницијатива на правно неиздржан начин, спротивно на македонскиот Уставот. Само за да создава тензии, да го манипулира народот, свесен дека нема да успее.
Иницијативата беше уште една измама на Мицкоски за спас на сопствената фотелја во Белиот дворец и бизнис интересите на една екипа во неговото опкружување.“ рече Јован Митрески.
