26.8 C
Скопје
28. септември 2022
Centar.mk – Вести, бизнис, забава, спорт…
МакедонијаБизнисТОП ВЕСТИ

СДСМ: Се грижиме за земјоделците 30% повисоки откупни цени на грозјето оваа година

И во време на светска економска криза, СДСМ преку Владата и надлежното министерство што ги предводи, продолжува со вистинска поддршка за сите земјоделци. Воведуваме нова мерка за предадено грозје во регистрирани капацитети за производство на вино во Република Северна Македонија, со висина од 2 денари по килограм, се вели во соопштението од СДСМ.

Од партијата додаваат дека оваа мерка ќе ја користат земјоделски стопанства кои имаат површини под лозови насади и остварено производство на винско грозје од реколта 2022 година, кое е предадено во регистрирани капацитети за производство на вино или пак е преработено за потребите на сопствениот преработувачки капацитет.

Низ инклузивен пристап и дијалог со лозарите и винариите успеавме оваа година да постигнеме историски најголемо зголемување на откупната цена за грозјето од 30 отсто, што е особено важно во кризна година.

Оваа година грозјето од сортата Смедеревката ќе се откупува по просечна цена од 13 денари за килограм, додека вранецот по 15 денари за килограм, што е за 3 денари повеќе споредено со ланските откупни цени.

Со дополнителните мерки на овие веќе договорени и гарантирани цени од 13 и 15 денари за килограм ќе се додадат уште плус два денари, со што откупната цена на грозјето ќе достигне 15 односно 17 денари.

Преку новата мерка за поддршка на произведено и извезено вино за период од 01.09.2021 до 01.09.2022 година, предвидена е и поддршка за винарииите, а корисници на оваа нова мерка се регистрираните производители на вино кои во 2021-2022 година имаат произведено и извезено вино.

Финансиската поддршка со оваа дополнителна мерка изнесува од два до четири денари по литар во зависност од видот и големината на амбалажата на виното.

Продолжуваме да реализираме мерки и политики кои овозможуваат директна помош за земјоделците и зголемено домашно земјоделско производство, се вели во соопштението од СДСМ.

Можеби ќе ве интересира

Почна државниот погреб на Шинзо Абе, строги безбедносни мерки во Токио

M T

СДСМ: Заради бизнис интереси на Мицкоски и ВМРО-ДПМНЕ, стои Скопје

M T

АФПЗРР : Реализирана исплата на директни плаќања по повеќе мерки

M T

СДСМ: Осми ден ВМРО тендерска ДПМНЕ молчи за Мицкоски и тендерот од 136 милиони евра

M T

СДСМ: Мицкоски има интереси, затоа е кавгата во Скопје, за пари

M T

СДСМ: Пари и тендер вреден 136 милиони евра е причината за кавгата на Мицкоски со Арсовска

M T