Пратениците на ВМРО-ДПМНЕ, а пред сè пратеникот Драган Ковачки, треба да им се извинат на припадниците на Армијата за блокадите што цела година ги прават овде во Собранието, порача пратеникот на СДСМ, Миле Талески, на денешната седница.
„Вие господине Ковачки ја манипулирате фелата од која доаѓате и треба да им се извините на припадниците на Армијата затоа што поради вас лично беше блокиран Законот за служба во Армијата. Една година припадниците на Армијата не ги добиваат бенефитите од овој закон, кој ВМРО-ДПМНЕ со 2.000 амандмани го блокира со една цел – да ве заштити вас лично, односно во делот во кој пишува дека припадници на Армијата не смее да бидат членови на политички партии, односно да бидат на високи позиции во Армијата. Откога станавте пратеник, манипулиравте и овде предлагавте ист таков закон и ги лажевте војниците“, порача Талески во реплика кон пратеникот Драган Ковачки од ВМРО-ДПМНЕ додавајќи дека парламентот работи во интерес на сите граѓани и ги повика сите пратеници да гласаат и законот да биде донесен.
НАЈЧИТАНО НА ИНТЕРНЕТ...
