Иако, секако, секој пар е приказна за себе, некои хороскопски знаци, според астролозите, се покомплицирани во љубовните врски и со нив дури и почетокот на љубовта ќе биде тежок.
Првите состаноци честопати се многу напорни бидејќи луѓето се обидуваат да се претстават во најдобро можно светло, а исто така се обидуваат да откријат што му се допаѓа на другата личност.
Повеќето се обидуваат да најдат компатибилност, но во исто време очекуваат пеперутки во стомакот. Сепак, некомпатибилноста често е проблем и може да доведе до скршено срце.
Познавањето на астрологијата или познавањето на секој знак може да им помогне на луѓето полесно да ја разберат другата страна. Астрологијата вели дека некои знаци се многу комплицирани и дека на почетокот можат да се забележат одредени проблеми.
Следните четири знаци спаѓаат во таа категорија. Секако, тоа не значи дека треба да се откажете од љубовта, но ако личноста е родена во некој од следните хороскопски знаци, можеби ќе треба да го промените пристапот и да се подготвите за одредени изненадувања.
Овен
Родените во овој знак се бунтовници и секогаш ги кршат правилата создавајќи свој пат. Но, тие имаат и уште една многу карактеристична особина – тие секогаш се натпреваруваат, дури и во љубовна врска.
Што и да прави нивниот партнер, бунтовниот Овен сака да биде подобар од нив. Овој пристап кон животот може да доведе до многу лоша комуникација меѓу партнерите. Исто така, тие веруваат дека можат да дадат само онолку колку што ќе добијат и нивното срце ќе биде ледено ако партнерот ги вознемири.
Бик
Иако ова е еден од најромантичните знаци, сепак треба да размислите двапати ако сакате да имате едноставен живот. Нивната бајковита романса, тврдоглавост и мистерија можат да станат проблем.
Својата љубоморна страна и посесивност ќе ја покажат по некое време, а понекогаш и незрело ќе се однесуваат како бебе. Покрај сето ова, ќе треба да му објасните на партнерот се што правите за себе бидејќи најмногу се плаши дека ќе биде изоставен. И за крај, уште една интересна работа за овој знак – многу им е тешко да се извинат, дури и кога грешат.
Скорпија
Овој воден знак е многу мирен, но ако се случи нешто што не им се допаѓа, тогаш се подготвени на се за да се одмаздат.
Скорпиите се познати по одржувањето на приватноста и интровертноста. На почетокот е многу тешко да ги разберете и да ја стекнете нивната доверба. И второ, не помалку важно – тие секогаш внимаваат на партнерот и секогаш ќе бидат сомнителни. Нивниот круг на луѓе е секогаш мал и поради тоа лесно стануваат емотивно зависни од партнерот, што може да доведе до кавги. Тие го сакаат целосното внимание на партнерот, односно го сакаат вниманието што го добиваат малите деца.
Рак
Родените во овој знак се познати по љубовта што ја чувствуваат кон сите луѓе, но и по нивната грижлива природа. Но, сето ова има своја темна страна, па можат да станат огорчени и непријатни.
Во љубовната врска со Рак, личноста може да се чувствува исцрпено бидејќи Ракот постојано бара зборови на благодарност и разбирање. Ако не се задоволни тогаш стануваат ладни. Исто така, на Раковите им е тешко да разберат дека можат целосно да се изгубат во своите емоции и на тој начин да го изгубат контактот со партнерот бидејќи чувствуваат дека тој не прави доволно за нив.
