Секој кујнски шкаф во својот агол крие храна која долго време не сме ја користеле, па често не знаеме дали да ја фрлиме или да ја искористиме.
Затоа ви откриваме листа на намирници без рок на употреба. Тие можат да го променат вкусот или изгледот доколку не ги чувате правилно, но нема да се расипат.
1. Шеќер
Без разлика дали се работи за светол или темен шеќер со поголем процент на меласа, оваа слатка храна никогаш не се расипува. Шеќерот е непријателска средина за бактериите во кои тие не можат да живеат. Единствено што треба да внимавате е шеќерот да биде во сув и добро затворен сад.
2. Мед
Медот може да кристализира или да ја промени бојата, но не и да се расипе. Чувајте го медот на ладно место, а доколку се кристализира, сепак можете да продолжите да го користите нормално.
3. Брашно од скроб
Ако не е изложен на влага, се чува на суво и ладно место во херметички затворен сад, скробното брашно никогаш нема да се расипе.
4. Екстракт од ванила
Поради алкохолот што го содржи, екстрактот од ванила нема рок на траење, но созрева со текот на времето. Чистиот екстракт има поголем процент на алкохол и трае вечно, додека аромите на ванилата ќе станат послаби неколку месеци по отворањето.
5. Сол
Во најлош случај, може да се стврдне. За да го спречите тоа, чувајте го на суво, темно место каде што ќе ја зачува својата структура.
6. Ориз
Само кафеавиот ориз, кој е мрсен, има рок на употреба, поради што може да се расипе. Но, можете да го продолжите неговиот рок на траење ако го чувате во херметички затворени садови и во фрижидер.
7. Бел вински оцет
Поради големата количина на киселини кои всушност служат како „конзерванс“, секој вид оцет може да има прилично долг рок на траење, а белиот никогаш нема да се расипе. На крајот може да го промени својот вкус. Погоден е за складирање на суво и ладно место.
