Во центарот на Скопје осамна герила акција со транспаренти за предупредување од лажни вести и спектакуларни наслови познати како кликбејт. Авторите на акцијата до народни мудрости ги предупредуваа граѓаните за штетноста на лажните вести и манипулациите.
Како предупредување против наседнување на кликбејт наслови и одбрани, граѓаните беа предупредени дека што ќе кликнат, тоа и ќе жнеат.
Ваквите наслови и објави освен за пласирање на лажни вести и манипулација се користат и за заразување со вируси и несакан софтвер, што може да ја загрози безбедноста и приватноста на корисниците на Интернет.
Останатите транспаренти кои се појавија низ Скопје предупредуваа и на опасноста од лажните вести, преку примери со дезинформации пласирани за домашни, но и меѓународни теми. Покрај лажната вест на транспарентите во продолжение беа напишани и народни поговорки чија цел е да ја посочат штетноста и неморланоста на лажењето.
