Христијан Мицкоски и ВМРО-ДПМНЕ со своите срамни изјави и настапи креираат политичка агенда на штрајкот на СОНК, велат од СДСМ.
„Уценувачки потег на раководство на СОНК е одбивањето на предлогот за зголемување на платите за 10 отсто или за .2500 денари во просек во време на најголема светска економска криза.
Наставниците многу добро знаат дека за период од пет години во владеењето на ВМРО-ДПМНЕ добија покачување од четири отсто или само 750 денари. За разлика од тоа, СДСМ во овие четири и пол години платите на наставниците ги зголеми за 21 отсто, односно од 3.200 до 6.400 денари.
Затоа Мицкоски и ВМРО-ДПМНЕ се последните кои можат да зборуваат за платите во образованието и детската заштита“ додаваат од владејачката партија.
