Centar.mk – Вести, бизнис, забава, спорт…
МАКЕДОНИЈАТОП ВЕСТИ

СДСМ: Сомнителен молк на Мицкоски за Груевски на црната листа на САД, има ли поврзаност со фирмата?

Само една недела по посетата на Христијан Мицкоски на Унгарија, САД објавија дека неговиот шеф, Никола Груевски, е ставен на „црната листа“. Нашите граѓани многу добро ги знаат причините поради оваа постапка, тоа е вмешаноста на Никола Груевски во криминал и корупција од невидени размери, се вели во соопштението од СДСМ.

Од партијата додаваат дека сето ова се случува во време кога Мицкоски оди во посета на Унгарија, а пратениците на ВМРО-ДПМНЕ се уште ги блокираат законите за Академијата за судии и обвинители. Се противеа на Законот за јавно обвинителство, го блокираа изборот на нов Јавен обвинител.

Оттука е и сомнителниот молк на Мицкоски.

Тој ниеднаш не се извини за криминалот на ВМРО-ДПМНЕ и неговите соработници, ниту пак побара одговорност од сите за кои има пресуди а се дел од неговата партија.

Целата јавност знае дека Христијан Мицкоски бил советник на Груевски, а потоа и секретар на ВМРО-ДПМНЕ во време кога се правени сите овие криминали.

Мицкоски да излезе пред граѓаните и да одговори која е поврзаноста со унгарската компанија на Груевски која се најде на црната листа на САД?

Што знаел за матните зделки на Никола Груевски и зошто молчи со години?

Дали стравува дека и тој може да се најде на црната листа, се вели во соопштението од СДСМ.

Можеби ќе ве интересира

Нова трагедија на охридското крајбрежје – пронајдено тело на починат скопјанец

ДЕСК

Африм Гаши излезе од болница

C +

ВМРО-ДПМНЕ: СДС и Шукова ниту имаат план ниту знаат како да го подобрат животот на скопјани

C +