Од партијата на власт посочуваат дека „ефикасните мерки на Владата предводена од СДСМ за намалување на ДДВ и акцизата“, како дел од антикризниот пакет од 26 антикризни мерки во вредност од 400 милиони евра, веднаш ги намалија цените на нафтените деривати и горивата.
„Додека насекаде во државите од регионот цените на горивата растат поради најголемата економска и енергетска криза, кај нас се намалуваат токму како резултат на овие мерки. Со ефикасност во реализација на антикризните мерки цената на бензинот веднаш се намали за 6,5 денари, а на дизелот за 9 денари“, напоменуваат од СДСМ.
Дообјаснуваат дека од полноќ дополнително се намали цената на дизел горивото за три денари, а на Екстра лесното масло за домаќинство за 2,5 денари.
СДСМ, велат од таму, како одговорна партија во време на криза продолжува со реализација на мерки и политики кои го заштитуваат стандардот на граѓаните и обезбедуваат одржување на економската стабилност.
НАЈЧИТАНО НА ИНТЕРНЕТ...
