Соопштение на СДСМ:
Објавените резултати од истражувањето на Меѓунардониот Републикански Институт не го прикажуваат реалното расположение на граѓаните сега.
Анкетата е спроведена во месеците ноември и декември 2021 година, односно пред 4 месеци.
Вакави податоци од пред 4 месеци може да се каже дека немаат соодветна релевантност денеска односно се надвор од актуелниот политички контекст.
Во периодот од изминатите 4 месеци, имаме сосема поикава политичка реалност, нова Влада којашто е избрана во јануари, со нов премиер, зголемено паралемнтарно мнозинство и многу други фактори кои се променети по ова истражување а силно влијаат на перцепциите.
Оттука, цениме дека објавувањето на резултатите од анкетата создава погрешна перцепција кај граѓаните, како за рејтинзите на политичките партии така и во однос на другите теми и прашања од истражувањето.
Ги охрабруваме сите домашни и меѓународни институции и организации навремено и целосно да ги објавуваат резултатите од своите истражувања, за да се избегнат какви било погрешни толкувања.
