Centar.mk – Вести, бизнис, забава, спорт…
Centar Мозаик Здравје

Размрдајте се! Еве што се случува во вашето тело ако трчате 30 минути

Пешачењето и трчањето се во нашите гени, а ние целосно ги запоставивме благодарение на современите превозни средства.

Човекот трчал и одел уште од своето постоење. Овие активности се најприродни и во неговите гени. За жал, трчањето и пешачењето се заменети со различни облици на транспорт (автомобили, јавен превоз).

Научниците докажаа дека трчањето го намалува нивото на лошиот холестерол, мастите, триглицеридите и шеќерот во крвта. Ризикот од развој на разни болести, како што се болести на срцето и крвните садови и дијабетес тип 2, е намален.

Покрај телото, трчањето благотворно делува и на умот. Трчањето го намалува ризикот од депресија, а ги ублажува и симптомите на депресија. Го намалува нивото на стрес, анксиозноста и промовира добро расположение. Трчањето, како и другите физички активности, го поттикнуваат ослободувањето на хормоните на среќата.

Трчањето е бесплатно, достапно и се што ви треба се добри патики и силна волја. Запомнете дека секој почеток е тежок. На вашето тело ќе му требаат неколку недели да се навикне на трчање, особено ако не сте во добра форма. Ќе ви биде полесно секој ден. Постои голема веројатност да станете „зависни“ од трчање.

Имено, научниците во едно истражување откриле дека трчањето стимулира толку многу позитивни активности во мозокот што луѓето по некое време стануваат зависни од него.

Откријте што се случува со вашето тело за само 30 минути трчање, направете услуга на вашето тело и почнете да трчате!

Вашите мускули почнуваат да користат аденозин трифосфат, кој е главниот извор на енергија во клетката.

Клетката може да функционира нормално само кога е достапна доволна количина на аденозин трифостат.

Со цел да се ослободи колку што е можно повеќе аденозин трифосфат, клетките почнуваат да го разградуваат гликогенот, форма на гликоза која гради мускули. Клетките ќе ја користат гликозата што е во вашиот крвоток, поради што физичката активност е добра за намалување на нивото на шеќер во крвта.

Вашето тело почнува да користи се повеќе и повеќе гликоза. Мускулите почнуваат да ослободуваат млечна киселина, која испраќа сигнали до мозокот дека сте под физички стрес.

Следните неколку минути

Вашето срце почнува побрзо да пумпа крв и ја насочува кон мускулите. Тој насочува значително помалку крв во делови од телото кои моментално не му се потребни, како што е дигестивниот систем.

За најдобро искористување на гликозата, на мускулите им е потребно зголемено ниво на кислород, што доведува до брзо и тешко дишење.

Трчањето го активира најголемиот мускул во телото – глутеус максимус (вашиот задник). Ги активира и мускулите на нозете и стомакот, кои ви помагаат да останете исправени и да ги контролирате движењата. Почнувате да согорувате калории и резерви на маснотии.

Потрошувачката на гликоген и зголемениот внес на кислород ќе го подигнат нивото на телесната температура. За да се олади, телото почнува да ја насочува крвта кон вашата кожа, предизвикувајќи појава на црвенило. Се јавува потење, кое ефикасно го лади телото и ги отстранува токсините.

Следните 10 минути

Ако сте во пристојна форма, вашите мускули и нивното снабдување со аденозин трифосфат се доволни за да ве одржуваат во трчање. Вашето тело може ефикасно да носи кислород и да консумира масти и шеќер.

Ако сте во лоша физичка кондиција, снабдувањето со аденозин трифосфат не е доволно за да се обезбеди правилно функционирање на мускулите. Мускулите не можат доволно брзо да добијат кислород, а млечната киселина почнува да се ослободува се повеќе и повеќе. Ќе ви биде потешко секоја минута.

По 30 минути

Конечно е готово. Од трчање преминувате во одење, енергијата почнува да ви опаѓа, а дишењето постепено станува нормално.

Веројатно се чувствувате одлично и имате одлично ниво на енергија. Вашиот мозок го ослободува хормонот допамин. Шансите се дека ќе сакате да јадете нешто слатко. Не грижете се бидејќи гликогенот ги осиромаши молекулите на гликозата, па калориите што ги внесувате нема да се претворат во масти, туку во извор на енергија.

Можеби ќе ве интересира

Ги чисти органите за варење, но тоа не е се: Еве што се случува во телото ако пиеме топла вода секое утро на празен стомак

M T

Како плачењето влијае на вашето тело и ум?

M T

Синхронизација со внатрешниот часовник на телото: Оптимално време на спиење КОРИСНО ЗА СРЦЕТО

M T

Сè што треба да знаете за телесната температура: Што е нормално, а кога е време за аларм

M T

Ова се трите дела од телото кои треба да ги миете секој ден

M T

ЕВЕ ШТО СЕ СЛУЧУВА ВО НАШЕТО ТЕЛО КОГА ЈАДЕМЕ ЛУТО: Лекарите предупредуваат – НЕ претерувајте со луто, а и откриваат колку навистина е здраво

M T