Средба на министерот Оливер Спасовски со амасадорката на Р.Србија, Н.Е. Невена Јовановиќ

Министерот за внатрешни работи Оливер Спасовски денеска (10.12.2021) оствари работна средба со амбасадорот на Република Србија во нашата земја, Н.Е. Невена Јовановиќ.

На средбата, на која што присуствуваше и помошник директорот на Одделот за гранични работи и миграции Маринко Кочовски, министерот Спасовски и амбасадорката Јовановиќ ја оценија досегашната полициска соработка меѓу двете земји на највисоко ниво.

Притоа, обострано беше констатирано дека од взаемен интерес е тоа партнерство, кое и генерално е позитивно на сите други нивоа на меѓудржавна соработка, и во иднина интензивно да се продлабочува во различните сегменти на заедничко полициско делување, особено во поглед на регионалната меѓугранична соработка и миграциите.