23.8 C
Скопје
29. март 2024
Centar.mk – Вести, бизнис, забава, спорт…
МАКЕДОНИЈАБИЗНИС

Средба Бектеши – Ризваноли: Почнуваат преговори за набавка на јаглен од Косово во Северна Македонија

Министерот за економија Крешник Бектеши придружуван од заменик- директорот на АД Електрани на Северна Македонија (ЕСМ), Имер Зенку оствари работен состанок со министерката за економија на Република Косово, Артане Ризваноли и директорот на Косовсата енергетска корпорација (КЕК) Нагип Красниќи.

Тема на состанокот беше можноста за набавка на јаглен од Република Косово за потребите на Северна Македонија за зголемување на домашното производство на електрична енергија.

На состанокот на која започнаа договорите за условите за набавка на јаглен од Косово, беше договорено во наредниот период да биде потпишан Меморандум за разбирање меѓу двете земји со кој ќе се обезбедат потребните количини јаглен за непречено производство на електрична енергија од домашните енергетски капацитети во Северна Македонија.

Министерот за економија Крешник Бектеши најпрвин и се заблагодари на министерката Ризваноли за приемот и и посака успех во нејзиниот мандат во иднина. Бектеши понатаму додаде дека секоја криза бара соработка и дека двете страни се заинтересирани за натамошно продлабочување на соработката во иднина.

„Како Северна Македонија секогаш сме подготвени и заинтересирани да ја зголемиме соработката со Република Косово на секое поле, особено сега кога се соочуваме со здравствената и енергетската криза поради која сме собрани денеска. Значи, ние и претходно сме разговаравме, многу сме заинтересирани да ја продлабочиме соработката особено во однос на набавка на јаглен од Република Косово во Северна Македонија за потребите на функционирањето на термоцентралите бидејќи капацитетите во однос на експлоатација на јаглен ни се ограничиени и имајќи предвид дека Косово има значителни резерви сметаме дека техничките тимови треба да изнајдат решение кое ќе биде вин-вин и за Република Косово, но и за Северна Македонија. На тој начин да се зголеми соработката не само со увозот на јаглен, туку и во однос на пазарот на електрична енергија воопшто за двете земји. Ние сме крајно заинтересирани да се изнајде такво решение, имајќи предвид дека во одредени месеци и Косово можеби ќе треба да увезува струја од Северна Македонија и обратно, но за да се постигне тоа сигурно треба да го зголемиме производниот капацитет. Верувам дека еден ваков договор, од кој ќе имаат корист и двете земји, ќе биде договор кој во наредниот период период ќе обезбеди стабилност во снабдувањето со електрична енергија“, истакна министерот Бектеши.

Министерка за економија на Косово, Артане Ризваноли рече дека треба активно да се работи во иднина и се согласи дека од овој договор ќе имаат придобивки граѓанитете на двете земји.

„Сакам да ви се заблагодарам за сета соработка што ја имавме досега и за сета поддршка што му ја дававте на нашиот енергетски сектор не само сега туку и во минатото. Секако, соработката воопшто и визијата и стратегијата што ја имаме пред нас, предвидува поблиска регионална соработка со Албанија и Северна Македонија, но надвор од тоа не можеме поради фактот што сме во време кога сите се соочуваме со енергетска криза. Секако дека ја поздравувам оваа средба за да видиме што можеме да направиме освен долгорочна соработка и стратегија, што можеме да направиме за да си помогнеме меѓусебно. Уверена сум дека придобивките ќе бидат двострани, очекувам да бидеме коректни во преговорите и да вложиме напори да помогнеме во искористувањето на ситуацијата, важно е заедно да соработуваме за да што е можно полесно ги надминеме ефектите од оваа криза”, кажа Ризваноли ан состанокот.

За време на официјалната посета и средба беа разменети мислења за важни прашања поврзани со продлабочувањето на трговската соработка меѓу двете земји, идните проекти и со посебен акцент на соработката во енергетскиот сектор.

Спонзорирано:

Можеби ќе ве интересира

Гроси: Се надевам на средба со Путин што е можно поскоро

M T

Премиерот Ковачевски ќе одржи средба со претседателот на ВМРО ДПМНЕ Мицкоски

M T

Бектеши: Според сите показатели годинава ќе бидат постигнати очекуваните резултати во туризмот

M T

Средба Османи – Касулидес

M T

Средба на Грковска со романската амбасадорка Аксинте: Унапредување на соработката меѓу Северна Македонија и Романија, посебно во областа на креирање на антикорупциски политики

M T

Путин по средбата со Си Џинпинг: Ја цениме балансираната позиција на Кина за Украина

M T