Centar.mk – Вести, бизнис, забава, спорт…
МАКЕДОНИЈА

Претреси имаше кај повеќе лица од Скопје и Делчево поврзани со ЕВН, соопшти Финансиската полиција

Управата за финансиска полиција, во координација со Основното јавно обвинителство Скопје врши проверки во рамки на предистражна постапка, а по претходно добиени сознанија за извршени сомнителните трансакции на парични средства помеѓу „ЕВН ЕЛЕКТРАНИ МАКЕДОНИЈА ДООЕЛ“ Скопје и повеќе физички лица, соопштија од оваа институција.

„Во рамките на предистражната постапка, а по претходно обезбедени наредби од надлежните судови, во текот на денешниот ден беше извршен претрес кај повеќе физички лица на територија на Град Скопје и Делчево, меѓу кои вработени лица во „ЕВН ЕЛЕКТРАНИ ДООЕЛ“ Скопје и „ЕВН МАКЕДОНИЈА АД“ Скопје, а со цел пронаоѓање на докази во насока на ефикасно водење на предистражната постапка и докажување на основите на сомнение за сторени кривични дела“, информира Управата.

Додаваат дека целосно ги демантираат и отфрлаат изјавите на пратеникот Јован Јаулески дека претресот е извршен кај него дома, ниту пак пак кај некој друг претставник на политичка партија.

„Предистражната постапка се однесува на вработени лица во „ЕВН ЕЛЕКТРАНИ MAKЕДОНИЈА ДООЕЛ“ Скопје и „ЕВН МАКЕДОНИЈА АД“ Скопје“, потенцираат од таму.

Апелираат Управата за финансиска полиција да не се злоупотребува за политички цели.

Можеби ќе ве интересира

Полицијата уапси повеќе возачи поради возење под дејство на алкохол

ДЕСК

Ваучери за електронски уреди од 250 евра за студентите

C +

Регистрирани се вкупно 29 пожари на отворен простор, од нив 10 се активни

C +