Синоќа на Меѓународниот аеродром Скопје, пристигна група од 131 граѓанин на Авганистан.
Од Владата информираа дека се работи за вработени на Обединетите Нации, за кои Северна Македонија обезбедила привремен престој до нивното заминување во трета држава.
По слетувањето беше спроведена стандардната процедура- безбедносна проверка и заштита и ПЦР тест.
„Земјава со ова продолжува да помага во меѓународната хуманитарна операција за помош на цивили кои се под опасност од новата талибанска власт. Авганистанците ќе бидат привремено сместени во Скопје, а трошоците во целост се покриени од Обединетите Нации“, велат од Владата.
Во земјава во моментов престојува 531 граѓанин на Авганистан за кои институциите им ја обезбедуваат и пружаат потребната поддршка и помош.
Од Северна Македонија досега заминаа 84 граѓани на кои траен престој им обезбедија Франција, Грција, Ирска, Португалија и Бразил.
НАЈЧИТАНО НА ИНТЕРНЕТ...
