Најдобрата положба за спиење е онаа во која ‘рбетот е исправен, велат Мајкл Џеј Брус, специјалист за спиење и други. Ниче Бопал, психијатар специјализиран за медицина за спиење.
Важно е да ја пронајдете положбата која е најудобна, а која во исто време дава поддршка на ‘рбетот. Додека лежите, ‘рбетот треба да ги следи своите природни облини на вратот, средниот дел и долниот дел на грбот.
„За да се израмнат овие кривини, мора целото тело да биде поддржано“, вели Брус, додавајќи дека тоа обично најлесно се постигнува со легнување на грб или на страна со рацете до телото. Спиењето на стомак обично не обезбедува соодветна поддршка за вашиот ‘рбет.
Добрата положба за спиење му овозможува на телото целосно да се опушти и да добие поддршка, што може да ја ублажи вкочанетоста по будењето. Лошото држење може да ја влоши болката во колковите, грбот, вратот… и да создаде нови проблеми како вкочанетост, особено во зглобовите.
– Исто така, изберете перница со соодветна дебелина за ‘рбетот да има најдобра можна поддршка – советува Бопал.
