Centar.mk
МАКЕДОНИЈА

Шекеринска – Санино: европската интеграција не смее да се одолговлекува, време е Унијата да испорача

Министерката за одбрана Радмила Шекеринска утрово во Брисел се сретна со генералниот секретар на Европската служба за надворешно дејствување, Стефано Санино.

„Северна Македонија испорача резултати. Тоа го потврди и Извештајот на Европската комисија кој ги пофали нашите резултати во реформите, транспарентноста, борбата со корупција, институционалниот развој. Сите тие резултати макотрпно ги обезбедивме, со многу работа и посветеност“, рече министерката на средбата.

Шекеринска порача дека процесот на пристапување не може и не смее да се одолговлекува бесконечно. Тоа е единствениот начин да се врати довербата на граѓаните во европските процеси.

Генералниот секретар Санино порача дека Европската служба за надворешно дејствување целосно и недвосмислено ја поддржува европската перспектива на Северна Македонија и на регионот и дека очекува пристапните преговори да започнат што е можно поскоро. “Вие испорачавте, сега наша задача е да го направиме следниот чекор”, рече Санино на средбата.

Можеби ќе ве интересира

Филипче: Кошничката со кирија достигна 90.000 денари, а власта одбива минимална плата од 600 евра

ДЕСК

ПОЖАР ВО БОЛНИЦАТА „8 СЕПТЕМВРИ“ ВО СКОПЈЕ – Интервенирале пожарникари, нема повредени

ДЕСК

ФАЛСИФИКУВАНА ИТАЛИЈАНСКА ВОЗАЧКА ДОЗВОЛА НА ТАБАНОВЦЕ – Кривична пријава против државјанин на Албанија

ДЕСК