Цената на биткоинот денеска достигна највисоко ниво во последните шест месеци и се приближува до рекордното ниво од април.
Причината е што меѓу трговците постои верување дека американските регулатори ќе го одобрат лансирањето на берзанскиот фонд за тргување со фјучерси договори (ЕТФ) биткоин.
Најголемата криптовалута во светот порасна за речиси 4,0 проценти на 59.664 долари, што е нејзина највисока вредност од средината на април. Оваа година, тој двојно се зголеми во вредност и се приближува до априлскиот рекорд, кога се тргуваше за дури 64.895 долари.
Американската комисија за хартии од вредност (КХВ) се подготвува да го дозволи првото тргување со фјучерси на биткоин во САД следната недела, објави „Блумберг њуз“, повикувајќи се на добро информирани извори.
Бен Каселин, шеф за истражување и стратегија на азиската берза за крипто -валути AAX, вели дека скокот на биткоинот над 59.000 долари не е произволен, бидејќи инвеститорите кои долгорочно инвестираат веќе ја акумулираат најстарата криптовалута во светот.
„Нашироко се очекува пазарите да направат значаен чекор напред во четвртиот квартал во однос на тргувањето со биткоин ЕТФ во САД“, рече тој.
Тој додава дека денешниот раст на биткоинот бил поттикнат и од твитот на канцеларијата за едукација за инвеститори на ДИК.
„Пред да инвестирате во фонд кој работи со фјучерс договори за биткоин, внимателно измерете ги потенцијалните ризици и придобивки“, стои во твитот на ДИК.
ДИК не одговори веднаш на барањето за коментар за извештајот на „Блумберг“.
