14. август 2025
Centar.mk – Вести, бизнис, забава, спорт…
вестМАКЕДОНИЈАИЗБОР

Георгиевски од Охрид: Покажавме што ни значи Охрид – ја раздолжвиме општината и реализиравме проекти ветувани со децении

„Да се бара мандат од охриѓани е голема одговорност, затоа што Охрид е најскапоценото богатство што го имаме, светско наследство со непроценлива вредност. Во изминатите години покажавме што значи љубовта кон Охрид – ја раздолжвиме општината и реализиравме проекти ветувани со децении“ кажа актуелниот и кандидат за градоначалник на Охрид, Константин Георгиевски на трибината „Најдоброто за мојата општина“.

„Охрид доживува вистински развој, инвестиравме во инфраструктура, образование, проекти за млади и се што беше потребно за граѓаните. Создадовме можности за охриѓани и туристите и вложивме средства како никогаш досега за проекти видливи на дело“ кажа Георгиевски.

Тој додаде дека со преземените храбри чекори Охрид успеа да го сочува и статусот во УНЕСКО.

„Не дозволивме никој да ја сопре нашата решителност и покрај пречките. Постапивме, ги спроведовме законите и сите препораки за заштита на крајбрежјето на Охридското Езеро. Нашите заложби беа поздравени од сите релевантни меѓународни институции и експерти, а на крајот валоризирани од УНЕСКО“ рече Георгиевски.

Градоначалникот на Охрид додаде дека пропаднале сите обиди за дисквалификација и креирање лажни слики за хаос во градот од страна политичките противници, бидејќи во сезоната граѓаните и туристите уживаа во слободни плажи, без диви градби и без бетон.

Можеби ќе ве интересира

Алиу во Тетово: Над 70 милиони евра инвестиција за Клиничка болница Тетово – ќе се градат две нови градби и ќе се реновираат три постојни објекти

ДЕСК

Од утре аплицирање за субвенциониран студентски оброк за академската 2025-2026 година – Еве како да се пријавите

ДЕСК

Летно изненадување од dm и Babylove:  со сметка над 499 денари добивате подарок!

ДЕСК