7.8 C
Скопје
20. април 2024
Centar.mk – Вести, бизнис, забава, спорт…
БИЗНИС

Битиќи на форумoт „Стратешки економски разговори“ во Хрватска: Во наредните 5 години ќе го трансформираме енергетскиот сектор

Владата на Република Северна Македонија е посветена на реализација на реформите во енергетскиот сектор, донесен е нов Закон за енергетика кој е усогласен со Третиот енергетски пакет на Секретаријатот на енергетската заедница, усвоена е Стратегијата за развој на енергетиката до 2040 година и донесени се поголемиот дел од подзаконски акти со кои се овозможува забрзан развој на енергетскиот сектор и спроведување на праведна и правична транзиција кон обновливи извори на енергија, истакна вицепремиерот Фатмир Битиќи, кој учествува на форумот „Стратешки економски разговори“, кој се одржува во местото Савудрија, Истра, во Република Хрватска. .

„Ги презедовме сите чекори кои се предуслов за енергетска транзиција, помеѓу кои е и целосната либерализација на пазарот, чекор кој нашата земја го направи како прва во регионот. Тоа не е единственото што го направивме како пионери во регионот на Западен Балкан. Први донесовме закон за енергетика кој е во целост усогласен со регулативите и директивите на ЕУ и со Енергетската заедница“, нагласи вицепремиерот.

Битиќи додаде дека во периодот кој следи, во наредните 5-7 години енергетскиот сектор во Северна Македонија потполно ќе се трансформира, пришто ќе се реализираат голем број на јавни и приватни инвестиции во обновливи извори на енергија.

„Со интервентниот план за ивестиции, којшто неодамна Владата го усвои, како одговор за побрзо закрепнување од пандемијата, но и за побрз и одржлив развој на енергетиката и економијата, генерално, во средорочен период од 5 до 7 години, во земјата ќе се инвестираат 3,2 милијарди евра во енергетскиот сектор, мешан капитал, на приватни и јавни инвестиции. Со ова во следните 5 години, ќе го трансформираме енергетскиот сектор во Северна Македонија, кон зелени и обновливи извори на енергија. Тоа ќе придонесе за праведна и правична транзиција од конвенционални извори на енергија со фосилни горива кон обновливи извори на енергија и ќе се тежи кон целосно исполнување на Националниот план за придонеси со кој предвидуваме намалување на емисијата на стакленички гасови до 82% до 2030 година во споредба со истите во 1990 година“, нагласи вицепремиерот Битиќи и додаде дека за постигнување на овие предвидувања, се работи и на промената на свеста кај државните тела, но и едукација на граѓаните, затоа што реализацијата на зелената агенда на Владата ќе донесе поголема конкурентност на економијата, но пред се зачувување на здравјето на граѓаните, заштита на животната средина и подобар квалитет на живот.

Спонзорирано:

Можеби ќе ве интересира

Битиќи на конференцијата на ОЕЦД: Младите треба да имаат место на масата, нивниот глас мораме да го слушаме кога носиме одлуки за нивната иднина

M T

Битиќи од глобалната конференција за програмирање на Зелениот климатски фонд во Јужна Кореја: Од зависност, кон меѓузависност, соработката и солидарноста е нашиот пат напред и успех во справување со климатските промени

M T

Отворен форумот за локални практики во филмската дејност

M T

Битиќи на МЕФ22: “Спремни сме да направиме социјално праведна енергетска транзиција што ќе ни донесе енергетска безбедност и диверзификација”

M T

Вицепремиерката Грковска ќе учествува на Форумот за дигитална безбедност на Западен Балкан во Талин, Естонија

M T

Работна посета на вицепремиерот Битиќи во Италија

M T