Во Словенија вечерва започна објавувањето на делумните резултати од локалните избори, по затворањето на избирачките места во 19:00 часот. Во Љубљана првичните податоци покажуваат предност за актуелниот градоначалник Зоран Јанковиќ пред кандидатот на Левица, Лука Месец.
Според изборниот преглед со податоци до 22:20 часот, Јанковиќ имал 35,58 проценти од дотогаш обработените гласови, а Месец 25,73 проценти. Во Марибор водел Матевж Франгеж со 28,14 проценти, пред Бор Грајнер со 22,76 проценти. И во Копер предност имал актуелниот градоначалник Алеш Бржан.
Станува збор за делумни, неофицијални резултати што можат да се променат со продолжување на броењето. Втор круг од изборите за градоначалници е предвиден за 29 ноември во општините каде што ниту еден кандидат нема да обезбеди потребно мнозинство.


