Прес-конференција, Стефан Васев од СДСМ
Политичкиот пироман Христијан Мицкоски како да сака да ги запали и социјалните мрежи, ама со навреди, псовки и недоличен примитивизам.
Со крајно непримерен речник, вулгарности, недолични коментари и псовки, Христијан Мицкоски се скара со неговите поддржувачи и следбеници на Фејсбук.
Овие слики зад мене говорат за неговиот примитивизам, погледнете, тоа е Христијан Мицкоски.
Знаеме дека голема е нервозата кај Христијан Мицкоски и во Белиот дворец, им следи нов пораз на локалните избори.
Но, сепак, вакво ниско ниво на јавна комуникација, ваков примитивизам не само што не доликува, туку е срамна и недозволива за било кој политичар, особена за претседател на политичка партија.
Навредите и псовките со кои се служи Мицкоски говорат многу за неговата психолошка состојба, но и за неговиот карактер!
Примитивизам во комуникација на најниско можно ниво.
Прашање е како после толку реакции на социјалните мрежи Мицкоски не почувствува потреба да ги повлече овие зборови и да се извини.
Мицкоски е недостоен да води политичка партија, тој е недостоен да води ниту прифил на Фејсбук.
