78-годишен мотоциклист тешко повреден откако со мопед излетал од патот

78-годишно лице од Велес се здобило со тешки телесни повреди откако излетал од коловозот со мопедот кој го управувал.

Вчера околу 19.00 часот во СВР Велес било пријавено дека на ул.„Вардарска“ во Велес, мопед „апн 4“, со велешки регистарски ознаки, управуван од Ѓ.Р.(78) од Велес, излетал од коловозот.

Во незгодата, Ѓ.Р. се здобил со тешки телесни повреди, констатирани во болницата во Велес.

Бил извршен увид на местото на незгодата.