Прес-конференција на Марија Костадинова, пратеничка на СДСМ:
Успешните и навремени економски политики на Владата предводена од СДСМ придонесуваат економијата да се развива со засилено темпо, а последиците од коронакризата веќе да станат минато.
Еден од последните докази за тоа е и економската активност во Технолошко индустриски зони, која во вториот квартал од оваа година е на највисоко ниво во последните четири години.
Според официјалните податоци, во вториот квартал од 2021 година, извозната активност во индустриските зони достигна 763 милиони евра што е за 140% повеќе од истиот период во 2020 година додека во однос на 2018 година порастот е околу 27%.
Извозната активност и во јуни оваа година е највисока на месечно ниво споредено со изминатите 4 години и достигна ниво од 239 милиони евра, што е за 25 милиони повеќе од истиот месец од минатата година.
Истовремено, продолжува и растот на новоотворени работни места во ТИРЗ-овите. Во јуни е регистриран зголемен број на работни места од над 7 отсто во однос на истиот месец од 2020 година.
Очекувано е ваквиот тренд да продолжи и во наредните месеци со оглед на интензивните преговори за нови инвестиции од постојни, но нови странски и домашни компании.
Една од нив секако е и новата инвестиција на канадската компанија Магна, презентирана неодамна, која од првично најавените 15 милиони евра сега е зголемена на близу 40 милиони евра, со над 1.200 нови работни места.
Одговорниот, инклузивен и правичен пристап во привлекувањето странски инвестиции дава очигледни резултати.
Бележиме постојан пад на стапката на невработеност и отворање на нови и добро платени работни места.
Продолжуваме со економските мерки и политики што обезбедуваат економски раст и развој и повисок животен стандард за сите.
Го носиме најдоброто за економијата, најдоброто за државата.
