29. август 2025
Centar.mk – Вести, бизнис, забава, спорт…
МАКЕДОНИЈА

Вучиќ, Заев и Рама ќе разговараат за „мини Шенген“

Претседателот на Србија, Александар Вучиќ, преку видео – конференција ќе разговара со премиерите на Македонија и Албанија, Зоран Заев и Еди Рама, за унапредување на односите во рамките на регионалната иницијатива „мини Шенген“.

Вучиќ, средбата ја најави уште минатата недела, а денеска стигна потврда од неговиот кабинет.

„Во рамките на нашата регионална иницијатива, која многумина ја нарекуваат „мини Шенген“, продолжуваме да ги подобруваме нашите односи. Веруваме дека ќе донесеме конечни одлуки за заедничко дејствување против природни катастрофи на територијата на нашите земји. Верувам дека заедно ќе овозможиме проток на добра, капитал, луѓе и услуги“, рече тогаш Вучиќ.

Тој посебно го издвои таканаречениот систем на работни дозволи, за којшто утре ќе стане збор.

„Според овој систем оној што ќе добие дозвола на територијата на една од овие три земји ќе има работна дозвола за секоја од земјите, што е од голема важност“, истакна Вучиќ.

Можеби ќе ве интересира

Физички го нападнале и го удирале со боксови и клоци по целото тело и глава – детали за убиството во Кавадарци

ДЕСК

Денес е неработен, а веќе следниот месец следува продолжен викенд – Еве ги преостанатите празници до крајот на 2025

ДЕСК

Спречен обид за криумчарење препарати за заштита на растенија преку ГП Меџитлија

ДЕСК