18.8 C
Скопје
28. март 2024
Centar.mk – Вести, бизнис, забава, спорт…
МАКЕДОНИЈАТОП ВЕСТИ

Николовски, Спасовски, Бочварски, Рустеми: Изградбата и модернизацијата на Коридорот 8 е стратешка цел на Владата, инвестициите во инфраструктурата ја покренуваат економијата

Денеска заменикот на претседателот на Владата задолжен за борба против корупцијата и криминалот, одржлив развој и човечки ресурси, Љупчо Николовски, заедно со министерот за внатрешни работи Оливер Спасовски, министерот за транспорт и врски Благој Бочварски, директорот на Јавното претпријатие за државни патишта Ејуп Рустеми и заменикот-директор на ЈПДП, Благочје Трпевски, беа на локацијата каде во моментов се врши рехабилитација на регионалниот пат Куманово – Страцин, патна делница која е составен дел од Коридорот 8.

Регионалниот пат Куманово-Страцин се рехабилитира во две фази. Првата фаза од Куманово до село Војник е во должина од 15 километри, со инвестиција во износ од 4,7 милиони евра, пари обезбедени дел преку ИПА 2 програмата, а дел од финансирањето се реализира преку Буџетот на Владата на Република Северна Македонија. Во втората фаза од село Војник до Страцин се реконструира делница од 16 километри за што ЈП за државни патишта инвестира 7,2 милиони евра.

„Ова е пример како треба да се грижиме за својот регион, за сите региони во државата, како сите региони треба да се развиваат, се со цел да ги подобруваме и условите за живот но и да се грижиме за одржливиот раст и развој на секој регион. После 4 децении целосно се реконструираа и рехабилитираа, регионалните патни правци што ги поврзуваат граѓаните со овие центри од регионот. Во овој регион имаме десетици проекти коишто се реализираат, и преку програмата за рамномерен регионален развој и веќе се одобрени“, изјави вицепремиерот Николовски.

Министерот за внатрешни работи Спасовски, посочи дека инвестициите во патната инфраструктура во кумановско-кривопаланечкиот регион се единствените вложувања после 40 години.

„Ќе напоменам дека само во овие три години сите регионални патишта се реконструирани или е во тек реконструкцијата и притоа се гради еден експресен пат. Ако сакаме да имаме поголема безбедност во сообраќајот со помалку жртви, помала материјална штета и помалку повредени лица, треба да имаме и добра инфраструктура. И токму затоа и заедно настапуваме за сето тоа што не беше направено, рехабилитирано, обновено да го завршиме што е можно побрзо и на тој начин да создадеме подобри услови и поголема безбедност во сообраќајот“, изјави министерот Спасовски.

Министерот за транспорт и врски Бочварски рече дека интензивно се вложува во изградба на нови автопатски делници, на нови експресни патишта во сите општини, а започната е и реализацијата на проектот за изградба и рехабилитација на локалната патишта за што се инвестираат 70 милиони евра.

„Покажавме и докажавме силна волја за развој на патната мрежа во цела држава. Во овој североисточен дел на Коридорот 8 имаме силни инвестициони зафати за негова комплетна рехабилитација и модернизација. Покрај оваа инвестиција, со силен интензитет работиме и на изградба на експресниот пат Ранковце-Крива Паланка, а потоа и од Крива Паланка до граничниот премин Деве Баир каде се врши проширување на патниот правец со трета лента. Вкупните инвестиции само во овој регион изнесуваат преку 80 милиони евра“, изјави министерот за транспорт и врски, Благој Бочварски.

Директорот на ЈП за државни патишта, Рустеми посочи дека се избрани консултанти за изработка на проектна програма за проектирање на нов експресен пат Романовце–Страцин кој што е планиран да се финансира од ИПА 3.

„Нашата цел е сигурни и безбедни патишта кои ќе не поврзуваат со регионот. Токму во таа насока, минатата година беше рехабилитиран и реконструиран патот од Ранковце до Крива Паланка во должина од 21 километар и со отпочнатите други рехабилитации, санации и изградби во овој регион сакаме да добиеме комплетен Коридор 8 кој ќе биде безбеден и сигурен за учесниците во сообраќајот“, изјави директорот Рустеми.

Покрај оваа инвестиција, во кумановско-кривопаланечкиот регион, со силен интензитет се работи и на изградба на експресниот пат Ранковце-Крива Паланка, а потоа и од Крива Паланка до граничниот премин Деве Баир каде се врши проширување на патниот правец со трета лента. Вкупните инвестиции само во овој регион изнесуваат преку 80 милиони евра.

Спонзорирано:

Можеби ќе ве интересира

Бочварски: Инвестиравме 23 милиони евра за реконструкција на локални улици во општините

M T

Министерот Спасовски во Букурешт оствари работна средба со Огуз Серкант Акин, директор на Центарот за соработка во областа на спроведување на законот на Југоисточна Европа – СЕЛЕК

M T

Бочварски: Го развиваме Дојранскиот регион, започнува реконструкцијата на три патишта во општина Дојран

M T

Реализирана билатерална средба на министерот Спасовски со неговиот романски колега Боде, на која беа потпишани и два документа за зацврстување на соработката

M T

Спасовски: Обединети сме во слободата, а чувањето на независноста е наша заедничка обврска

M T

Работна средба на министерот Спасовски со Шефот на Мисијата на ОБСЕ, амбасадорот Клеменс Која

M T