Додека премиерот Зоран Заев во Брисел се сраќава со политичкиот врв на Европската унија и прави сѐ да продолжи интегративниот процес, бранејќи ги националните и државни интереси, ВМРО-ДПМНЕ предводена од Христијан Мицкоски, шири лажни вести и блокира сѐ што е во интерес на граѓаните, велат од СДСМ.
„Блокадите на Законот за Клинички центар, Законот за служба во Армијата и други двесеттина закони покажува дека во оваа партија нема ништо патриотско, туку дека едноставно се на спротивната страна од интересите на граѓаните“, се нагласува во партиската реакција.
Според владејачката партија, поради таквиот однос ВМРО-ДПМНЕ и Мицкоски шест пати се казнуваат од граѓаните и уште долго ќе бидат опозиција.
