Снегот што паѓа од вчера на подрачјето на општина Ивањица, Србија, во повисоките области достигна висина до 40 сантиметри, додека во пониските области на општината има снежна покривка од пет до десет сантиметри.
Снежните врнежи не запираат ниту во Сјеница, а во повисоките области е формирана снежна покривка над 40 сантиметри, а поради лошите временски услови 17 села повторно останаа без електрична енергија.
Републичкиот хидрометеоролошки завод на Србија предупреди на врнежи од снег што се очекуваат од утре вечер во целата земја.
Српските медиуми јавуваат дека на територијата на цела Србија в недела ќе биде вклучен метеоаларм.
Во ридските и планинските области, висината на снежната покривка се очекува да се зголеми за 15 до 30 сантиметри.
Во јужна Србија снегот на места ќе се претвори во дожд.
