Спасовски: И Куманово е ослободено од македонските партизани, но мора да си простиме за да одиме напред

Министерото за внатрешни работи Оливер Спасовски повика да не се дозволи тоа што се случувало пред седум-осум децении да биде пречка за нашето одење напред, а историјата да се остави на историчарите и иднината да ја земеме во наши раце.

„Факт е дека и моето Куманово е ослободено од македонските партизани, од борците кои се бореа против фашизмот. И Македонија е ослободена од борците на НОБ, тоа се потврдени факти, не треба за ова да дебатираме. Македонија беше една од државите кои се бореа против фашизмот, основата на македонската држава лежи во авнојска Југославија и во АСНОМ“, одговори Спасовски на прашањето во врска за изјавата на премиерот за бугарскиот БГНЕС.