Времето денеска ќе биде променливо облачно и со малку пониски температури. Ќе дува умерен до засилен ветер од југоисточен правец. Попладне и во текот на ноќта на места ќе биде нестабилно со пороен дожд, грмежи и засилен ветер, краткотрајно и во вид на невреме, информира УХМР.
Минималната температура ќе биде во интервал од 9 до 17, а максималната ќе достигне од 26 до 31 степени.
Во Скопје променливо облачно со сончеви периоди и со умерен до засилен југоисточен ветер. Попладне и преку ноќта ќе има појава на повремено пороен дожд и услови за појава на грмежи. Минималната температура ќе се спушти до 15, а максималната ќе достигне 29 степени.
Вечерва, во текот на ноќта и утре ќе дува умерен до засилен јужен ветер што ќе услови натпросечни температури. Утре попладне и во вторник ќе биде облачно и нестабилно наместа со локален пороен дожд, грмежи и засилен ветер, понекаде процесите ќе се поинтензивни и во форма на невреме. Од вторник и особено на северот дневната температура ќе биде позначително пониска.
НАЈЧИТАНО НА ИНТЕРНЕТ...
