За прв пат изборниот молк ќе трае три дена поради новонастанатата ситуација со коронавирусот, а по втор пат изборите се оддржуваат во друг ден, а не во недела.
Точно на полноќ вечерва започна предизборниот молк за десетите парламентарни избори во Македонија. Овие избори се предвремени.
Во изминатите 20 дена 15 кандидатски листи ги претставија своите програми.
Поради коронавирусот изборите се оддржуваат три дена.
Првиот ден ќе гласаат лицата кои се заразени од коронавирус и оние кои се во изолација.
Во вторник ќе гласаат болните, изнемоштените и затворениците, а во среда од 7 наутро па се до 21 часот навечер ќе гласаат останатите граѓани во Македонија.
Изборниот молк завршува на 15-ти јули во 21 часот.
