Од 00:30 часот сообраќајот на магистралниот пат Штип-Радовиш, кај с.Љуботен, се одвива со наизменично пропуштање, информира АМСМ.
Како што претходно објави Centar.mk, во тешката сообраќајка која се случила вечерва во 21 часот и 30 минути кај Љуботен според неофицијални и непотврдени информации почина едно лице, а три се повредени.
Во сообраќајката учествувале три возила, од кои едно излетало од патот.
Ова беше втора сообраќајна несреќа со потешки последици на патниот правец Штип-Радовиш. Претходно, како што објави “Centar” се судрија две возила марка мерцедес, од кои едното беше полно со мигранти. Во несреќата со повреди се здобија најмалку 12 лица.
