„Ние заедно соборивме режим со пенкало и глас. Оние кои користеа погрдни зборови за Ромите и ги негираа како нација сега не може да ги бараат вашите гласови. Бевме сите националности заедно на 27 април кога под наплив на национализам и шовинизам дојдоа да ја уништат парламентарната деморкатија. Два и пол часа чекавме да падне живот, но успеавме да победиме. И сега тие прокламираат држава само на Македонците, е тоа нема да го видат. Ние гледаме напред кон иднината, потпишавме договори со Бугарија и со Грција. И ние можевме да калкулираме за политичките кариери, но ние имавме храброст да се бориме и успеавме.“- говореше лидерот на СДСМ, Зоран Заев на предизборната трибина во Шуто Оризари и ги повика граѓаните на 15 јули да ја изберат вистинската опцја, коалицијата „Можеме“.
Понатаму тој се осврна на надворешните успеси на државата.
„Силата е во сплотеноста, да останеме обединети и заедно. Ние сме членка на НАТО, одиме во Европската Унија, ќе ги отвориме поглавјата. Меркел објави дека до крајот на годината ги отвораме и поглавјата и фондовите и ќе ја решиме сиромаштијата. Сето ова го правиме заради децата, заради младите. Имаме работлив народ, имаме млади, имаме клима и географска положба, обработлива земја, сите предуслови. Сега немаме непријатели во соседите, ниту во Европа, сите сакаат да ни помогнат, сите не поддржуваат“- зборуваше Заев пред жителите на ромската општина Шуто Оризари.
НАЈЧИТАНО НА ИНТЕРНЕТ...
