„Имаме цело поглавје во нашата програма за Ковид 19. Ние во време на пандемијата покажавме мобилност, професионалност, еден од проектите сега ние да создадеме 33 одделенија за интензивна нега, за да можеме секогаш да сме спремни, дури и по завршување на корона вирусот да имаме капацитет. Многу инвестиравме во здравството, имаме легла, имаме респиратори, имаме сменско работење на медицинскиот персонал, создадовме сериозен систем за справување со Ковид 19.“- изјави лидерот на СДСМ, Зоран Заев, за телевизија Клан.
Тој дополни дека денес лекарите имаат далеку попристоен живот.
„Ние успеавме да го сопреме одливот на лекарите во странство, пред се со зголемување на платите, специјалистите од 70 000 денари сега имаат околу 113 000 денари. Што значи дека ако овде ги платиме и имаат пристоен живот, тогаш нема да заминуваат. Затоа во секоја од следните четири години ќе ги зголемуваме платите по 10 отсто секоја година.“- вети Заев и ги повика граѓаните без двоумење да гласаат за СДСМ.
