Секогаш во средиштето на збиднувањата...

Најнова вест: Вечерва на Клиниката за Државна кардиорирургија се изведува првата кадаверична трансплантација на срце

Вечерва на Клиниката за Државна кардиорирургија се изведува првата кадаверична трансплантација на срце, односно трансплантација од починат донор. Во моментов е во тек експлантацијата.

На трансплантацијата ќе работи тим од тројца кардиохирурзи под водство на Проф. д-р. Сашко Јовев од државната кардиохирургија, акад. д-р. Жан Митрев од „Жан Митрев Клиника“, Проф. д-р. Александар Николиќ од болницата „Аџибадем Систина“ и анестезиологот д-р. Маја Мојсова од Универзитетска Клиника за Анестезија, Реанимација и Интензивно лекување, воедно и Национален координатор за трансплантација.

„Вечерва останувам на кардиохирургија во поддршка на моите колеги. Ова е голем чекор за државната кардиохирургија и за нашето јавно здравство. Ова е тешка и ризична интервенција. Верувам во стручноста и експертизата на овој тим и им посакувам многу среќа и успешна операција. Сакам лично да се заблагодарам на семејството кое ја даде согласноста, тие покажаа што значи алтруизам во вистинска смисла на зборот“- порача Филипче.

error: Соддржината е заштитена.