СДСМ е посветена на мерки и политики што обезбедуваат брзо закрепнување на економијата соочена со последиците од коронавирусот, се наведува во соопштение од оваа партија.
Од таму нагласуваат дека се реализира и вториот пакет на економски мерки кој вклучува 14.500 денари месечно по вработен, помош за спортисти од 14.500 денари, помош за уметници и паричен надоместок за граѓаните што останале без работа поради кризата.
„Со цел да помогне во надминување на последиците од кризата, Владата донесе и уредба со која се предвидува ослободување од плаќање на износот на аконтациите на данокот на личен доход за месеците март, април и мај годинава“, велат од партијата.
Од СДСМ истакнуваат дека обезбедено е и ослободување од плаќање на износот на аконтациите на данок на добивка, за правните лица кои вршат угостителска дејност, дејност на туризам или транспорт и други компании кои имаат претрпено штети во своето работење поради коронавирусот.
Партијата најавува дека се подготвува и нов пакет на суштински мерки и политики кои ќе обезбедат дополнителна помош за домашната економија.
НАЈЧИТАНО НА ИНТЕРНЕТ...
