-Во Охрид договоривме мерки за подобар живот и мирољубив Балкан, напиша премиерот Зоран Заев на Фејсбук.
„Во Охрид договоривме мерки за олеснување на движењето и брз проток на трговијата, услугите и граѓаните низ сите земји од нашиот регион. Тоа значи подобар живот за сите во еден современ и мирољубив Балкан:
Слободно движење на граѓаните низ земјите во регионот само со лични карти;
Ефикасни гранични премини каде контролите работат 24/7 и брза трака за најмало можно чекање на камионите кои пренесуваат стоки и производи;
Постигнување рамка за признавање на професионални квалификации за дефицитарни професии и програма за поголема мобилност на студентите и младите;
Засилување на напорите за автоматско меѓусебно признавање на дипломите на граѓаните во целиот регион без дополнителни нострификации;
Зајакнување на полициската соработка за прекугранична борба против криминал, тероризам, нелегална миграција и итни ситуации;
Развивање заедничка платформа за заедничка инвестициска понуди.“ – напиша Заев.
