Салатата со туна и грав е здрав оброк кој лесно можете да го подготвите!
Состојки:
- 400 гр туна во масло
- конзерва од 400 гр бел грав
- 400 гр зелена боранија (свежа или од конзерва)
- 2 помали главици кромид
- сок од 1 лимон
- 60 мл маслиново масло
- сол
- бибер
- 1 лажичка мајчина душица
- 1 лажичка сечкан магдонос
Начин на подготовка:
Туната исцедете ја, а гравот измијте го со студена вода и оставете го во целдилка.
Боранијата исчистете ја, измијте ја и гответе ја околу 5 минути во врела посолена вода. Извадете ја со решеткаста лажица, измијте ја со студена вода и исечете ја на парчиња долги три-четири сантиметри.
Кромидот исчистете го и исечкајте го. Туната иситнете ја со вилушка на парчиња, додајте грав, боранија, кромид и ставете во декоративна чинија.
Измешајте сок од лимон, маслиново масло, сол, бибер, зачини и прелијте ја салатата. Сервирајте после 30 минути со чаша бело вино.
Добар апетит!
НАЈЧИТАНО НА ИНТЕРНЕТ...
