Силјановска не знае каде е, тоа е факт. Таа е загубена во политиката на деструкција на Мицкоски којашто ја следи, велат од владејачката партија.
Од таму додаваат дека претседателската кандидатка не е искрена и е лицемерна пред граѓаните и пред јавноста.
„Силјановска пред граѓаните вели дека не го признава и нема да го користи уставното име на државата. Но, официјален документ потврдува дека таа се потпишала на кандидатура за претседател на Република Северна Македонија“, се наведува во соопштението на СДСМ.
Според нив, неприфатливо е претседателски кандидат да ги манипулира гласачите, да говори едно, а друго да прави и сметаат дека граѓаните нема да дозволат, како што велат, лицемери и партиски послушници да застанат на чело на државата.
