Холандските власти одлучија да побараат објаснување од рускиот амбасадор во Хаг по инцидентот во кој беше оштетена холандската амбасада во украинскиот главен град Киев. Холандскиот министер за надворешни работи Том Берендсен го потврди повикувањето на рускиот дипломатски претставник.
Во нападите врз Киев проектил паднал во непосредна близина на дипломатскиот објект, при што биле оштетени прозорци и делови од околниот простор. Холандските власти потврдија дека никој од вработените во амбасадата не е повреден.
Холандскиот премиер Роб Јетен оцени дека земјата нема да дозволи да биде заплашувана. Причините и точните околности на ударот се предмет на дополнителна проверка, а засега не е потврдено дека холандската амбасада била намерно избрана за цел на нападот.


