Центарот за управување со кризи (ЦУК) информира дека имало вкупно 1 758 повици на Единствениот повикувачки број за итни случаи 112 во ЦУК, во последното деноноќие. Од нив „реални“ повици биле 51,54%, а 48,46% биле за други потреби на граѓаните што не биле итни. Кон Полиција биле упатени 63,20%, кон Итната медицинска помош 28,62%, а кон пожарникарите 4,46% од реалните повици кон 112 во ЦУК. Инаку, имало 862 повици за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици и на тие што се именувани како „неитни повици“. Сите тие повици за итни случаи биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК).
ЦУК информира дека во последното деноноќие имало регистрирано шест (6) пожари на отворено на територијата на државата, покрај интервенциите за гаснење пожари во населени места и сите се изгаснати. Во Скопско имало еден, во Гевгелиско и Битолско по два и во Прилепско имало еден пожар на отворено, при што гореле запалена мешана шума, ниска вегетација, сртрништа, меѓи од ниви, трска, капини и врби.
Конкретно, Регионалниот ЦУК (РЦУК) Скопје, информира дека пожарникарите од БППЗ на Град Скопје, од 14.45 до 21.00 часот, со 1 ПП возило и 4 пожарникари интервенирале на запалена ниска вегетација и мешана шума во атарот на с.Алдинци (Општина Студеничани).
РЦУК Струмица, ја пренесува информацијата од ТППЕ Гевгелија дека во период од 11.35 до 13.35 часот, со 1 ПП возило и 2 пожарникара интервенирале на запалена ниска вегетација, меѓи и капини на површина од 5 хектари во атар на с.Богородица и од 13.00 до 17.00 часот, со 2 ПП возила и 5 пожарникари интервенирале на запалена ниска вегетација, меѓи, трска, капини и врби на површина од 10 хектари с.Милетково.
РЦУК Битола, информира дека пожарникарите од ТППЕ Битола, од 10.15 до 13.35 часот, со 1 ПП возило и 2 пожарникара, интервенирале на запалено стрниште во с.Лисолај и од 18.00 до 13.35 часот, со 2 пожарникара и 1 ПП возило интервенирале на запалена ниска вегетација во с.Добрушево (Општина Могила). Исто така, во изминатото деноноќие имале уште една помала интервенција, како што имале пожарникарите и од ТППЕ Прилеп.
ЦУК информира со известување што оди во прилог на превенцијата за спасување човечки животи. Поточно, РЦУК Скопје, информира дека денеска се планирани и се реализираат четири крводарителни акции во државата и тоа: со вработените во средното училиште ,,Здравко Цветковски“ – Скопје; со вработените во ЈСП „Ѓорче Петров“ – Скопје; со вработените во средното медицинско училиште „Панче Караѓозов“ – Скопје и со вработените во училиштето “Гошо Викентиов“ – Кочани
