„За жал ВМРО-ДПМНЕ ниту по избрите не планира да гласа за уставните измени. Ако беше целта да се испровоцираат побргу да се случат избори, ќе можевме да се довориме да ги изгласаме уставните амандмани и веднаш да се оди на избори. Тоа беше наш влог во компромисот со опозицијата и лидерската средба што се случи во јуни но и претходно го комунициравме тоа како подготвеност да се излезе во пресрет на барањата на опозицијата ако тие бидат доволно одговорни да гласаат за уставните измени“, изјави вицепремиерот за европски прашања Бојан Маричиќ во „Студио 10“ на ТВ24.
Тој додаде дека пред година ипол водеа дискусии за „бугарски диктат“,дека идентитетот ќе исчезне, дека францускиот предлог ќе не стави во неповолна позиција кои изгледаат смешно од денешна перспектива.
„Нашето одлагање на уставните измени може да не стави во понеповолна позиција. Имаме едно искуство од 2008 година кога мислевме дека предвремени избори ќе го исчезнат проблемот со Грција, кога добивме вето од Грција за членство и кога бевме упатени од тогашниот американски претседател Џорџ Буш но и сите други што ни мислеа добро дека треба да влеземе во преговорачки процес каде што релативно брзо ќе дојдеме до решение. За жал ние одлучивме да одиме на предвремени избори за да во тоа време Груевски и ДПМНЕ ја зајакнат својата власт и позиција и тие ја зајакнаа но ја ослабеа државата“, потенцираше Маричиќ.
Тој заклучи дека државата 10 години подоцна мораше под многу понеповолни услови да го направи компромисот затоа што тоа наш услов за членство во НАТО.
