Кој е следен? САД подготвуваат црна листа со 19 политичари и најавуваат жешко лето во регионот

Кој ги минира амереканските напори за напредок на државите од Западен Балкан?

САД нема да запрат со објавувањето на нови имиња на личности кои се дел од црната листа на САД од регионот, меѓу кои и нашата земја.

Американците подготвуваат црна листа со дури 19 имиња на политичари од Западен Балкан меѓу нив се разбира ќе бидат и луѓе од Македонија. Оваа информација ја објави телевизијата „Алџезира“ коментирајќи го говорот на американскиот пратеник за Балканот Габриел Ескобар.

Како што се наведува листата се подготвува 5 години а целта е да се открие кој ги опструира американските напори за напредок на државите од Западниот Балкан.

Досега на црната листа на САД се запишани струшкиот градоначалник Рамиз Мерко и бизнисменот Орце Камчев, претходно во поновото време на листата се најдоа и екс-премиерот Никола Груевски и екс-директорот за УБК, Сашо Мијалков.

САД изминатиот период недвосмислено нагласија дека покрај корумпирани личности, на црната листа би можело да се најдат и луѓето кои ги поткопуваат Преспанскиот и Охридскиот договор.